Um ISX

Um ISX

ISX er fyrsti íslenski skiptimarkaðurinn sem býður viðskipti með rafmyntir (cryptocurrencies) líkt og Auroracoin og Bitcoin fyrir íslenskar krónur. Þörf hefur verið fyrir slíkan markað hér á landi þar sem Íslendingar hafa búið við gjaldeyrishöft og geta því ekki keypt eða selt rafmyntir á erlendum skiptimörkuðum.

ISX-skiptimarkaðurinn er hannaður með bestu öryggisstöðlum og aðferðum sem völ er á. Tilgangurinn er að verja upplýsingar notenda og öryggi undirliggjandi netgjaldmiðla, sem og annara fjármuna ásamt því að tryggja notendavænt viðmót og örugg viðskipti. Markmið ISX er að gera þessi viðskipti eins einföld og skilvirk og mögulegt er ásamt því að tryggja notendum öruggt umhverfi fyrir viðskipti.

 

Það er einfalt að skrá sig á ISX:

  • Opnaðu skráningarsíðuna hér.

  • Sláðu inn netfangið þitt.

  • Mikilvægt er að þú lesir yfir skilmála ISX og ef þeir eru þér ásættanlegir þá hakar þú við það að þú hafir lesið þá og samþykkir.

  • Þegar þú hefur skráð þig verður þú send(ur) á auðkenningarsíðu island.is þar sem þú þarft að auðkenna þig með Íslykli eða rafrænum skilríkjum. Ef þú ert ekki með Íslykil þá er hægt að biðja um hann á auðkenningarsíðunni og verður hann þá sendur í heimabankann þinn.

  • Að þessu loknu mun þér berast tölvupóstur með tímabundnu lykilorði.

  • Þegar þú svo skráir þig inn á ISX í fyrsta skipti þá verður þú beðin(n) um að velja þér nýtt lykilorð.

  • Að þessu loknu er mælt er með því að virkja tvíþátta auðkenningu með Google Authenticator í snjallsímum sínum.

Allir notendur geta millifært Auroracoin og Bitcoin úr veskjum sínum inn á ISX-reikninginn sinn eða lagt inn krónur á bankareikning ISX og við það uppfærist sjálfkrafa inneign notandans á skiptimarkaðnum. Útgreiðslur í BTC og AUR eru framkvæmdar samstundis en útgreiðslur í krónum eru framkvæmdar tvisvar á dag virka bankadaga. Þóknun ISX er 1% af fjárhæð í krónum við kaup og sölu.


ISX er rekin af Skiptimynt ehf. kt. 481014-0500. Skiptimynt ehf. er hvorki banki né skráð fjármálafyrirtæki.