1 Inngangur
1.1 Gildissvið
Almennir viðskiptaskilmálar ISX (hér eftir skilmálarnir/skilmálar þessir) gilda í viðskiptum
milli Bálka
Miðluna ehf, rekstaraðila ISX, (hér eftir Bálkar Miðlun eða ISX) og viðskiptavinar.
Viðskiptavinur
getur verið einstaklingur eða lögaðili (hér eftir lögaðili eða fyrirtæki). Auk skilmála
þessara gilda,
eftir atvikum, ákvæði samninga, skilmála og reglna um einstakar vörur eða þjónustu sem ISX
kann
að veita viðskiptavini. Þau ákvæði ganga framar ákvæðum skilmála þessara ef misræmi er á
milli.
Skilmálar ISX eru birtir á vef ISX og eru aðgengilegir á afgreiðslustöðum ISX.
1.2 Breytingar á skilmálum
ISX getur hvenær sem er gert breytingar á skilmálum þessum einhliða og án fyrirvara.
Breytingar á
skilmálunum eru tilkynntar viðskiptavini með skilaboðum á ISX eða með almennri tilkynningu á
vefsvæði ISX eða með öðrum hætti sem ISX ákveður.
Í tilkynningu um breytingar á slíkum ákvæðum skilmálanna er vakin athygli á því að
viðskiptavinur
hefur rétt á að tilkynna ISX um uppsögn samningsins áður en breyttir skilmálar taka
gildi.
Viðskiptavinur telst hafa samþykkt þær breytingar tilkynni hann ISX ekki um annað fyrir
fyrirhugaðan gildistökudag. Segi viðskiptavinur samningnum upp áður en tveggja mánaða
fyrirvarinn er liðinn, en notar engu að síður viðkomandi þjónustu tengdan reikningnum
eftir
að
tveggja mánaða fyrirvarinn er liðinn telst viðskiptavinurinn hafa samþykkt
breytingarnar.
1.3 Um Bálkar Miðlun og ISX
Bálkar Miðlun ehf veitir einstaklingum, fyrirtækjum og fjárfestum rafmynta þjónustu, á vef
sínum
ISX, sem byggir á langtíma viðskiptasamböndum. Bálkar Miðlun ehf hefur starfsleyfi sem
þjónustuveitandi sýndareigna og sætir eftirliti Fjármálaeftirlits Seðlabanka Íslands,
Kalkofnsvegi 1,
101 Reykjavík, (sjá vef Fjármálaeftirlitsins, www.fme.is).
Bálkar Miðlun hf., kt. 550819-1200, Dalsbyggð 23, 210 Garðabær, Ísland
Sími: 620-3700. Netfang: [email protected], Vefur: www.ISX.is.
2 Almenn ákvæði um viðskiptasambandið
2.1 Vinnsla persónuupplýsinga
Bálkar Miðlun vinnur persónuupplýsingar um viðskiptavin samkvæmt skilmálum þessum og eftir
atvikum samningum, skilmálum og reglum um einstakar vörur eða þjónustu sem ISX kann að veita
viðskiptavini. ISX vinnur og varðveitir allar upplýsingar sem leiða af eða eru afhentar í
tengslum við
samninga milli viðskiptavinar og ISX. ISX getur einnig unnið persónuupplýsingar á grundvelli
samþykkis viðskiptavinar, laga, stjórnvaldsfyrirmæla eða í samræmi við lögmæta hagsmuni,
eins og
nánar er lýst í persónuverndarstefnu ISX, sem birt er á vef ISX. Vinnsla persónuupplýsinga
er
forsenda þess að ISX veiti viðskiptavini þjónustu og að viðskiptavinur eigi viðskipti við
ISX og er
nauðsynleg til þess að gera eða efna samninga þar að lútandi. Sjá nánar í
persónuverndarstefnu ISX.
2.2 Stofnun viðskiptasambands
Viðskiptavinur stofnar til viðskiptasambands við ISX á vefnum https://ISX.is, í
snjalltækjaforriti ISX
(hér eftir nefnt „app“ eða „appið“) eða á afgreiðslustað. Við stofnun viðskiptasambands ber
að
framkvæma áreiðanleikakönnun á viðskiptavini. Við stofnun viðskiptasambands velur
viðskiptavinur
vörur og/eða þjónustu og fær aðgang að ISX. ISX kannar áreiðanleika nýs viðskiptavinar með
því að
óska eftir því að hann sanni á sér deili ásamt upplýsingum um hagi hans, sbr. nánari
umfjöllun í kafla
um Aðgerðir gegn peningaþvætti og fjármögnun hryðjuverka. Stofnun viðskipta þarf að uppfylla
kröfur skilmála þessara og eftir atvikum samninga, skilmála eða reglna sem gilda um
viðkomandi
vöru og/eða þjónustu. Viðskiptavinur staðfestir, eftir atvikum, umsókn, samning og/eða
skilmála í
samræmi við kröfur ISX á hverjum tíma. ISX er heimilt, án rökstuðnings, að hafna stofnun
viðskiptasambands og/eða umsókn um vöru eða þjónustu, m.a. ef upplýsingar um viðskiptavin
eru
ófullnægjandi, ef stofnun viðskipta uppfyllir ekki kröfur ISX eða af öðrum ástæðum, allt að
mati ISX.
2.3 Aðgerðir gegn peningaþvætti og fjármögnun hryðjuverka
ISX starfar samkvæmt lögum um aðgerðir gegn peningaþvætti og fjármögnun hryðjuverka með
síðari breytingum. ISX er skylt að framkvæma áreiðanleikakönnun á viðskiptavini, m.a. við
stofnun
viðskiptasambands, reglubundið eftirlit og/eða vegna einstakra viðskipta. Til að framkvæma
áreiðanleikakönnun óskar ISX m.a. eftir persónuupplýsingum um viðskiptavin, t.d. nafni,
kennitölu,
lögheimili, starfsheiti/stöðu, símanúmeri, netfangi, fæðingarstað og ríkisfangi, auk
fjárhagslegra
upplýsinga. Lögaðilar skulu veita upplýsingar um nafn, kennitölu, lögheimili, lagalegt form,
upplýsingar um stjórn, framkvæmdastjórn og prókúruhafa, sem og upplýsingar um raunverulega
eigendur lögaðilans og hverjir hafi heimildir til að skuldbinda lögaðilann. ISX aflar
jafnframt
upplýsinga um uppruna þeirra fjármuna sem viðskiptavinur hyggst nota í viðskiptum hjá ISX,
hvort
viðskipti fari fram fyrir hönd þriðja aðila og upplýsinga um eðli og tilgang fyrirhugaðs
viðskiptasambands og/eða viðskipta.
Við áreiðanleikakönnun skal viðskiptavinur sanna á sér deili með framvísun gildra
persónuskilríkja
sem eru gefin út eða viðurkennd af stjórnvöldum, t.d. vegabréf, ökuskírteini,
nafnskírteini
eða
fullgild rafræn skilríki. Eigi ólögráða viðskiptavinur ekki gild persónuskilríki getur
lögráðamaður
framvísað eigin persónuskilríkjum. Ef stofnað er til viðskiptasambands fyrir hönd
lögaðila,
fjárvörslusjóða og sambærilegra aðila þurfa allir stjórnarmenn, framkvæmdastjóri/-ar,
prókúruhafar
og raunverulegir eigendur lögaðilans að sanna á sér deili með fullgildum
persónuskilríkjum.
Sama á
við um alla eigendur í húsfélagi þegar eignarhlutar í viðkomandi fjöleignarhúsi eru sex
eða
færri.
Lögaðilar sanna á sér deili með því að framvísa vottorði úr fyrirtækjaskrá
ríkisskattstjóra
eða
sambærilegri opinberri skrá sem sannar skráningu viðkomandi lögaðila. Metið er hverju
sinni
hvort
krafist er afrits af samþykktum lögaðila og/eða endurskoðuðum ársreikningi.
ISX hefur áhættumiðað eftirlit með samningssambandi við viðskiptavin og aflar uppfærðra
upplýsinga þegar þörf er á, hvenær sem er meðan á samningssambandi stendur. ISX ber auk
framangreinds að kanna sérstaklega áreiðanleika viðskiptavina sinna við ákveðnar aðstæður
þar
sem sérstakrar varúðar er þörf. Í slíkum tilvikum áskilur ISX sér rétt til að kalla eftir
viðbótargögnum,
þ.m.t. persónuupplýsingum, um viðskiptavin til þess að framkvæma aukna áreiðanleikakönnun.
Gruni ISX að fjármunir þeir sem ætlun viðskiptavinar stendur til að fari um kerfi ISX séu
ágóði af
ólögmætri háttsemi og/eða tengist fjármögnun hryðjuverka áskilur ISX sér allan rétt til að
stöðva
umbeðin viðskipti án fyrirvara. Hafi ISX rökstuddan grun eða réttmæta ástæðu til að ætla að
viðskipti séu grunsamleg með tilliti til peningaþvættis og/eða fjármögnunar hryðjuverka er
ISX skylt
að tilkynna viðskiptin til skrifstofu fjármálagreininga lögreglu og láta henni í té allar
nauðsynlegar
upplýsingar vegna tilkynningarinnar. Viðskiptavini ber skylda til að láta ISX vita verði
einhverjar
breytingar á þeim upplýsingum sem ISX voru látnar í té við gerð áreiðanleikakönnunar.
2.4 Upplýsingagjöf
ISX getur sent viðskiptavini skilaboð, upplýsingar og tilkynningar vegna viðskipta við ISX á
vefsvæði
eða í appi eða með öðrum hætti sem ISX ákveður. Þá getur ISX notast við bréfapóst/tölvupóst
í
sérstökum tilfellum. ISX sendir viðskiptavini sjálfvirkar tilkynningar (e. push
notification) með
rafrænum hætti á ISX eða appi. Vilji viðskiptavinur breyta samskiptaupplýsingum, t.d.
símanúmeri
eða netfangi, ber honum að uppfæra upplýsingar þar um í stillingum í ISX, í appi, hjá
þjónustuveri
eða á afgreiðslustöðum.
Til að fara inn í ISX eða á app skal viðskiptavinur ávallt fara inn á vef ISX eða opna
appið
eftir þeim
leiðum sem ISX tilgreinir og sannvotta/auðkenna sig með öruggum hætti í samræmi við
kröfur
ISX.
Viðskiptavini ber að gæta sérstakrar varúðar gagnvart fölskum skilaboðum, t.d.
SMS-skilaboðum
eða tölvupósti með hlekk yfir á meinta innskráningarsíðu ISX/appsins, sem viðskiptavinur
kann að fá
send frá þriðja aðila, t.d. í þeim tilgangi að fá uppgefin persónubundin öryggisskilríki
og/eða svíkja
út fé frá viðskiptavini. ISX sendir viðskiptavinum ekki skilaboð með hlekk til
innskráningar
í
ISX/appið. ISX kann þó að senda viðskiptavini skilaboð með hlekk í kjölfar þess að
viðskiptavinurinn
hafi óskað eftir tilgreindri þjónustu frá ISX. Skilaboð frá ISX vísa þá til þeirrar
þjónustu
sem óskað
hefur verið eftir. Fái viðskiptavinur skilaboð með hlekk, án þess að hafa óskað eftir
tilgreindri
þjónustu frá ISX, eru skilaboðin fölsk skilaboð og skal viðskiptavinur þá ekki smella á
hlekkinn, svara skilaboðunum eða auðkenna sig eftir þeim.
2.5 Erlend viðskipti
Bálkar Miðlun ber enga ábyrgð á mögulegum mistökum eða vanrækslu sem leiða kann af vali
viðskiptavinar á erlendum viðskiptaaðila og áreiðanleika hans. Hið sama gildir um mistök eða
vanrækslu erlendra fjármálafyrirtækja. Viðskiptavini ISX er bent á að kynna sér skilmála
viðkomandi
erlends fjármálafyrirtækis, gildandi löggjöf þess ríkis og framkvæmd viðskipta í viðkomandi
landi.
Gengistafla ISX gildir í öllum viðskiptum með erlenda gjaldmiðla nema um annað sé
sérstaklega
samið. Eðli viðskipta ræður því hvaða gengi er notað og hvort notað er stundargengi,
lokagengi eða
sérgengi sem ákveðið er af ISX. Í þeim viðskiptum sem myndast getur gengismunur ber
viðskiptavinur alla áhættu þar af nema sérstaklega hafi verið samið um annað.
2.6 Verðskrá
Viðskiptavinur greiðir gjöld fyrir vörur og þjónustu ISX og útlagðan kostnað í tengslum við
veitta
þjónustu í samræmi við verðskrá ISX eins og hún er á hverjum tíma. Kveði aðrir skilmálar eða
samningar ISX við viðskiptavini á um gjaldtöku skulu þeir skilmálar gilda framar verðskrá
ISX. ISX er
heimilt að skuldfæra gjöld og kostnað á greiðslureikning viðskiptavinar hjá ISX og skulu
skuldfærslur
koma fram á reikningsyfirliti viðskiptavinar. Bálkar Miðlun getur breytt verðskrá sinni án
nokkurs
fyrirvara. Verðskrá ISX er birt á vef ISX.
3 Vefsvæði
3.1 Almennt um vefsvæði ISX
ISX er svæði á netinu þar sem viðskiptavinur ISX skráir sig inn með sannvottun/auðkenningu,
sem
ISX viðurkennir, til þess m.a. að eiga viðskipti, gefa greiðslufyrirmæli og sjá
reikningsupplýsingar. ISX
er aðgengilegur á vef ISX, í farsíma og í appi. Til þess að viðskiptavinur geti nýtt sér
þjónustu ISX þarf
búnaður viðskiptavinar að vera tengdur við internetið. ISX áskilur sér rétt til að ákveða
einhliða þá
þjónustu og þær samskiptaleiðir sem í boði eru, sem og að breyta
þjónustunni/samskiptaleiðum.
Þjónusta kann að vera ólík eftir því hvort viðskiptavinur skráir sig á ISX á vef ISX, í
farsíma eða í appi.
ISX er eigandi hugbúnaðar sem ISX byggir á. Viðskiptavinur hefur leyfi til aðgangs og
notkunar hans.
Viðskiptavini er algerlega óheimilt að gera eða láta gera breytingar á hugbúnaði þeim
sem
tengist
ISX.
Persónubundin öryggisskilríki eru persónubundnir þættir, t.d. PIN, lykilorð, öryggisnúmer,
einskiptis
auðkenningarnúmer/kóði sendur viðskiptavini til staðfestingar á viðskiptum, sem ISX
viðurkennir á
hverjum tíma í tilgangi sannvottunar/auðkenningar viðskiptavinar. Sannvottun/auðkenning er
aðferð sem gerir ISX kleift að sannreyna deili á viðskiptavini eða heimild til notkunar
tiltekins
greiðslumiðils, þ.m.t. notkunar á persónubundnum öryggisskilríkjum viðskiptavinar. Sterk
sannvottun er sannvottun á grundvelli notkunar tveggja eða fleiri þátta sem flokkast sem
þekking,
umráð og eðlislægni. ISX áskilur sér rétt til að breyta kröfum sínum til
sannvottunar/auðkenningar
án fyrirvara. Eftir að viðskiptavinur hefur skráð sig inn á ISX ber viðskiptavinur ábyrgð á
og er
bundinn af öllum aðgerðum sem framkvæmdar eru á ISX. Sama gildir komist utanaðkomandi aðilar
yfir upplýsingar um aðgang að ISX eða fái aðgang með öðrum hætti. Viðskiptavini ber að gera
nauðsynlegar varúðarráðstafanir til að tryggja öryggi persónubundinna öryggisskilríkja sem
hann
notar til sannvottunar/auðkenningar. Viðskiptavini er óheimilt að láta persónubundin
öryggisskilríki
sín öðrum í té og ber ávallt að gæta þess að enginn fái, sjái eða geti afritað persónubundin
öryggisskilríki sín. Viðskiptavinur skal halda persónubundnum öryggisskilríkjum sínum og
öllum
upplýsingum er varða sannvottun/auðkenningu hans á ISX og upplýsingum tengdum greiðslumiðli
leyndum og ber viðskiptavinur ábyrgð á því að slíkar upplýsingar berist ekki í hendur þriðja
aðila eða
séu aðgengilegar öðrum. Viðskiptavini ber að gæta sérstakrar varúðar gagnvart fölskum
skilaboðum, t.d. SMS-skilaboðum eða tölvupósti með hlekk yfir á meinta innskráningarsíðu
ISX, sem
viðskiptavinur kann að fá send frá þriðja aðila í þeim tilgangi að fá uppgefnar slíkar
upplýsingar,
þ.m.t. persónubundin öryggisskilríki, og/eða svíkja út fé frá viðskiptavini. Varðveiti
viðskiptavinur
ekki persónubundin öryggisskilríki sín og aðrar framangreindar upplýsingar með öruggum hætti
eða
í samræmi við framangreint, t.d. með því að gæta ekki varúðar gagnvart fölskum skilaboðum
frá
þriðja aðila, telst það vera stórfellt gáleysi af hans hálfu. Verði viðskiptavinur þess
áskynja að
óviðkomandi aðili hafi reynt að fá eða hafi fengið vitneskju um persónubundin
öryggisskilríki sín og
aðrar framangreindar upplýsingar skal viðskiptavinur tafarlaust tilkynna slíkt til ISX, og
eftir atvikum
að breyta persónubundnu öryggisskilríkjunum. Sama á við ef viðskiptavinur verður var við
tap,
þjófnað eða misnotkun á greiðslumiðli eða óheimila notkun hans. Til að tryggja öryggi skal
viðskiptavinur virkja læsingar á tækjum sem hann notar til innskráningar í ISX. ISX ber ekki
ábyrgð á
notkun viðskiptavinar á ISX í appi, á vefsvæði ISX eða í farsíma. ISX ber ekki ábyrgð á
tjóni sem
notkun ISX eða notkun tenginga við ISX kann að valda. ISX ber heldur ekki ábyrgð á tjóni
viðskiptavinar sem hlýst af því að þriðji aðili fær aðgang að persónubundnum
öryggisskilríkjum,
aðgang að reikningum í ISX/appi, t.d. á grundvelli falskra skilaboða, eða aðgang að
upplýsingum
tengdum greiðslumiðli. Þá ber ISX ekki ábyrgð á tjóni, beinu eða óbeinu, sem orsakast kann
af
fyrirvararlausri lokun ISX, tenginga eða viðbóta við ISX, t.d. vegna nauðsynlegra
viðhaldsaðgerða,
bilana í hug- eða vélbúnaði, uppfærslu skráa, breytinga á kerfi, eða af öðrum óviðráðanlegum
ástæðum. Láni viðskiptavinur, selji eða heimili öðrum umráð yfir tæki sem appið hefur verið
sótt í
skuldbindur hann sig til að skrá sig út úr appinu. Hafi verið átt við tækið með þeim hætti
að öryggi
þess hafi á einhvern hátt verið ógnað, t.d. með uppsetningu óöruggra forrita, er notkun
appsins á
tækinu ekki örugg og því óheimil með öllu. Viðskiptavinur skal að öðru leyti sýna varkárni
við
viðskipti í ISX. Fái viðskiptavinur einskiptis auðkenningarnúmer/kóða frá ISX til
staðfestingar á
rafrænum viðskiptum skal hann ekki staðfesta númerið/kóðann nema hafa sannreynt að um
réttmæta greiðslu (réttmæt viðskipti) sé að ræða. Sinni viðskiptavinur ekki varúðarskyldum
sínum í
samræmi við framangreint telst það vera stórfellt gáleysi af hans hálfu.
Viðskiptavinur skal án óþarfa tafar tilkynna ISX um það verði hann var við misnotkun eða
óheimila
notkun á ISX. ISX er heimilt, fyrirvaralaust og án tilkynningar, að loka aðgangi
viðskiptavinar að ISX
eða takmarka notkun viðskiptavinar í ISX, í heild eða að hluta, tímabundið eða
varanlega, í
eftirfarandi tilfellum: (a) ef grunur leikur á um óheimila eða sviksamlega notkun á ISX
eða
á
þjónustu ISX, (b) ef grunur leikur á um brot á reglum eða skilmálum ISX, (c) ef grunur
leikur á um að
þriðji aðili hafi komist yfir aðgangsupplýsingar viðskiptavinar, með eða án samþykkis
viðskiptavinar,
(d) vegna uppfærslu skráa, kerfisbreytinga eða annarra tæknilegra ástæðna eða
öryggisástæðna
eða (e) ef bú viðskiptavinar er tekið til gjaldþrotaskipta, ef viðskiptavinur leitar
nauðasamninga,
greiðslustöðvunar, eða ef fyrir hendi eru aðrar sambærilegar ástæður. Viðskiptavini er
gert
viðvart
eins fljótt og kostur er. Séu ástæður fyrir lokuninni ekki lengur fyrir hendi skal ISX
opna
fyrir
notkunina. ISX er heimilt að loka fyrir aðgang viðskiptavinar að ISX ef aðgangur hans
hefur
verið
óvirkur samfellt í 6 mánuði eða lengri tíma. Upplýsingar um viðskipti, þ.m.t. stöðu
viðskiptafyrirmæla, kunna að verða óaðgengilegar tímabundið á ISX vegna álags á
viðkomandi
tölvu- og/eða viðskiptakerfi. Ákveðin þjónusta eða aðgerðir á ISX geta sótt staðsetningu
tækis út frá
GPS hnitum, netkerfum eða dreifikerfi símafyrirtækja, t.d. upplýsingar um
afgreiðslustaði.
Hægt er
að stýra aðgengi að slíkum þjónustum, þar sem við á í tækinu sjálfu. ISX sækir ekki
upplýsingar um
staðsetningar úr tækinu nema á grundvelli skýrrar heimildar. ISX ber ekki ábyrgð á þeim
kröfum
sem birtast í kröfulista yfir ógreidda reikninga og ISX er ekki kröfuhafi að. Hafi
viðskiptavinur
athugasemdir við slíkar kröfur skal viðskiptavinur hafa samband við skráðan kröfuhafa.
4 Reikningar
4.1 Um reikninga
Viðskiptavinur stofnar reikning á vef ISX eða á afgreiðslustað ISX. ISX er heimilt að hafna
stofnun
reiknings, m.a. ef upplýsingar um viðskiptavin eru ófullnægjandi, og mun ISX tilkynna um
höfnunina
eins fljótt og auðið er. Óheimilt er að stofna reikning fyrir hönd annars fjárráða aðila
nema
viðskiptavinur veiti umboð til þess, enda mæli lög ekki fyrir um annað. Við stofnun
reiknings ber
viðskiptavini að sanna á sér deili með fullgildum persónuskilríkjum, þ.e. vegabréfi,
nafnskírteini,
ökuskírteini eða fullgildum rafrænum skilríkjum, með sannvottun/auðkenningu við innskráningu
á
ISX eða annarri auðkenningu í samræmi við öryggiskröfur ISX á hverjum tíma. ISX áskilur sér
rétt til
að breyta öryggiskröfum sínum án fyrirvara.
Reikningur telst stofnaður í íslenskum krónum nema um annað hafi verið samið. Skilmálar
þessir
gilda óháð því hvort reikningur er í íslenskum krónum, erlendum gjaldmiðli eða
rafmyntum, að
teknu tilliti til sérákvæða í skilmálum þessum um reikninga og greiðslur í erlendum
gjaldmiðli eða
rafmyntum.
Reikningar geta verið verðtryggðir miðað við safn rafmynta eða stýrða reikninga Bálka
Miðlunar.
Allar eignir sem viðskiptavinur millifærir inn á reikning sinn á ISX verða að eign Bálka
Miðlunar, sem
getur ráðstafað eignum sínum án þess að viðskiptavinu eigi beina kröfu á þær eignir sem eru
á
bankareikningum Bálka Miðlunar eða á stafrænum veskjum Bálka Miðluna eða hjá öðrum
þjónustuaðilum sem Bálkar Miðlun ráðstafar eignum sínum til.
4.2 Lykilorð og aðgengi að reikningi
Viðskiptavinur velur sér lykilorð ásamt tölvupóstfangi við stofnun reiknings sem hann notar
til
staðfestingar á greiðslu í samskiptum við ISX. Við val á lykilorði skal viðskiptavinur gæta
þess að
lykilorð sé ekki þess eðlis að auðvelt reynist að rekja það til viðkomandi viðskiptavinar.
Viðskiptavinur skuldbindur sig til að upplýsa ekki óviðkomandi aðila um lykilorðið. Með
óviðkomandi aðila er átt við aðila sem ekki hefur heimild til að gefa greiðslufyrirmæli af
reikningi
viðskiptavinar í samræmi við skilmála þessa. Ef viðskiptavinur hefur ástæðu til að ætla að
óviðkomandi aðili hafi fengið vitneskju um lykilorð skuldbindur viðskiptavinur sig til að
tilkynna ISX
um það án tafar og breyta lykilorðinu strax og hann verður þess var. Viðskiptavinur ber
ábyrgð á
öllum greiðslum og aðgerðum sem framkvæmdar eru með notkun lykilorði eða öðrum
persónubundnum öryggisskilríkjum.
4.3 Framkvæmd viðskipta og greiðslna
Þegar viðskiptavinur gefur greiðslu og/eða viðskiptafyrirmæli skal hann sanna á sér deili
með
sannvottun eða annarri fullnægjandi auðkenningu, t.d. með lykilorði reiknings, með framvísun
persónuskilríkja eða með öðrum hætti, í samræmi við kröfur ISX. Framangreint á við hvort sem
aðgerðin er framkvæmd með greiðslumiðli eða með sýndarfé.
ISX mun framkvæma viðskiptiafyrirmæli samstundis á vefsvæði ISX, gefið að þjónustan er
ekki
í
viðhaldi eða ef viðskipti hafa verið stöðvuð vegna t.d. viðhalds. Greiðslur inn á ISX í
íslenskum
krónum eða öðrum gjaldmiðlum fara fram í rauntíma á bankadögum meðan stórgreiðslukerfi
bankann er opið, þó ekki eftir kl 21-24 eða um helgar. Úttektir í íslenskum krónum eða
öðrum
gjaldmiðlum eru framkvæmdar tvisvar á dag, eftir kl 8 og svo aftur eftir kl 20 á
bankadögum.
Greiðslur inn á ISX eru framkvæmdar eftir að bálkakeðja viðkomandi rafmyntar sýnir að
millifærslan
er að fullu staðfest. Þó með þeim fyrirvara að þjónustuaðilar sem ISX reiðir sig á séu
ekki
í viðhaldi
og þjónustur þeirra séu opnar. Úttektir rafmynta eru framkvæmdar samstundis af veskjum
ISX
en
þó með þeim fyrirvara að stærri upphæðir, sem krefjast flutnings rafmynta milli veskja,
gætu
tekið
allt að 24 klukkustundum. Einnig er gerður fyrirvari um að þjónustuaðilar ISX eða
námuaðilar
viðkomandi bálkakeðju starfi eðlilega og geti framkvæmt millifærslur.
ISX getur frestað, stöðvað og/eða synjað um framkvæmd greiðslufyrirmæla, hvort sem greiðandi
eða viðtakandi greiðslu á frumkvæði að þeim, séu skilyrði laga, skilmála þessara, annarra
skilmála
eða reglna ISX ekki uppfyllt, t.d. ef ekki er næg innstæða á reikningi, ef lokað hefur verið
fyrir
útborganir af öðrum ástæðum, af öryggisástæðum, ef hætta er talin á misferli eða svikum,
vegna
verulegrar aukinnar hættu á því að greiðandi kunni að vera ófær um að uppfylla
greiðsluskyldu sína,
ef vafi er uppi um heimild greiðanda til að nýta reikninginn eða vegna reglubundins
eftirlits með
greiðslum sem felur í sér öflun upplýsinga um tengsl greiðanda og viðtakanda, uppruna
fjármuna,
tilgang viðskipta o.fl. ISX notar erlenda greiðslumiðlunarbanka og rafmyntafyrirtæki til að
senda og
móttaka erlendar greiðslur og rafmyntir fyrir hönd viðskiptavina. Af þeim sökum kann ISX að
óska
eftir nánari upplýsingum um greiðslurnar og miðla þeim upplýsingum áfram til erlendra
greiðslumiðlunarbanka.
Synji ISX um framkvæmd greiðslufyrirmæla verður viðskiptavini tilkynnt um það, nema
annað
leiði
af lögum. Megi rekja synjun um framkvæmd greiðslufyrirmæla til viðskiptavinar er ISX
heimilt
að
taka gjald fyrir skriflegar tilkynningar. Hafni ISX greiðslufyrirmælum jafngildir það
því að
greiðslufyrirmæli hafi ekki verið móttekin. ISX er þrátt fyrir framangreint heimilt að
fresta
framkvæmd greiðslufyrirmæla þar til næg innstæða er á reikningi viðskiptavinar að
meðtöldum
kostnaði og öðrum gjöldum. Í því sambandi er ISX heimilt að láta reyna á skuldfærslu á
reikning
viðskiptavinar fyrir greiðslunni eftir móttöku greiðslufyrirmælanna þar til þau eru
framkvæmd.
Berist ISX fleiri en ein greiðslufyrirmæli á sama degi ber ISX ekki ábyrgð á því í hvaða
röð
þau eru
framkvæmd eða hvaða greiðslufyrirmæli eru ekki framkvæmd vegna ónógrar innstæðu.
Fyrirfram móttekin greiðslufyrirmæli verða framkvæmd þrátt fyrir að síðari atburðir geri það
að
verkum að sá sem gaf fyrirmælin hefði sjálfur ekki getað gefið þau, t.d. vegna afturköllunar
á
prókúru eða vegna andláts viðskiptavinar. Viðskiptavinur getur einungis afturkallað eða
stöðvað
greiðslufyrirmæli ef skilyrði laga um greiðsluþjónustu þar að lútandi eru uppfyllt og að því
gefnu að
viðskiptavinur sé neytandi. ISX getur krafist gjalds vegna afturköllunar greiðslufyrirmæla.
Fyrirfram
móttekin greiðslufyrirmæli verða þó ekki framkvæmd eftir að reikningi hefur verið lokað. ISX
ber
ábyrgð á framkvæmd greiðslufyrirmæla í samræmi við lög þar til banki viðtakanda greiðslunnar
hefur tekið við greiðslunni. Eftir það tímamark verður banki viðtakanda greiðslunnar ábyrgur
gagnvart viðtakandanum um rétta framkvæmd greiðslunnar. Viðskiptavinur ber ábyrgð á því að
greiðslufyrirmæli hans séu rétt. ISX er ekki ábyrgur fyrir mistökum viðskiptavinar, t.d.
þegar slegið er
inn rangt kennimerki fyrir viðtakanda greiðslu. Slík mistök verða ekki leiðrétt einhliða af
hálfu ISX án
samþykkis viðtakanda greiðslunnar. Sýni viðskiptavinur fram á með gögnum að fjárhæð
greiðslu,
sem heimiluð var af viðskiptavini og viðtakandi greiðslu átti frumkvæði að, hafi ekki verið
nákvæmlega tilgreind í heimildinni þegar hún var veitt og að greiðsla af reikningi hans sé
hærri en
hann mátti með sanngjörnum hætti gera ráð fyrir miðað við útgjaldamynstur hans, skilmála
þessa
og málsatvik að öðru leyti, skal hann tilkynna það til ISX og óska eftir endurgreiðslu innan
átta vikna
frá því að fjármunirnir voru skuldfærðir af reikningi hans. Að uppfylltum þeim skilyrðum ber
ISX að
endurgreiða viðskiptavini greiðsluna innan tíu bankadaga frá móttöku tilkynningar frá
viðskiptavini.
Að öðrum kosti synjar ISX um endurgreiðslu. Framangreint á ekki við þegar viðskiptavinur,
sem ekki
er neytandi í skilningi laga um greiðsluþjónustu, með síðari breytingum, gefur þriðja aðila
munnlegt
samþykki fyrir úttekt af reikningi sínum. Þá á viðskiptavinur ekki rétt á endurgreiðslu ef
hann hefur
veitt samþykki fyrir greiðslunni beint til ISX og, ef við á, ISX eða viðtakandi greiðslu
veittu fyrir fram
upplýsingar um greiðslur eða kom þeim á framfæri við greiðanda, a.m.k. fjórum vikum fyrir
gjalddaga. Hafi greiðslufyrirmæli verið afturkölluð ber ISX hvorki ábyrgð á greiðslu vaxta
né annarra
gjalda vegna gjaldfallinna greiðslna.
Um greiðsluþjónustu gilda takmarkanir sem kunna að felast í ákvæðum laga um
gjaldeyrismál á
hverjum tíma og reglum settum samkvæmt þeim lögum. Ef samið hefur verið um reglubundnar
greiðslur skal hlutfallslega tekið tillit til gildistíma uppsagnar við innheimtu
greiðslna
eftir uppsögn
samnings. ISX er heimilt að taka gjald fyrir greiðslur af greiðslureikningum. Einnig er
ISX
heimilt að
taka gjald vegna aðstoðar við að endurheimta fé sem greitt hefur verið fyrir mistök,
t.d.
vegna þess
að greiðslufyrirmælum fylgdu rangar upplýsingar um móttakanda greiðslu.
4.4 Upplýsingar um reikning og notkun hans
Skilaboð, upplýsingar og tilkynningar vegna reiknings, t.d. breytingar á skilmálum og
kostnaði, eru
birt viðskiptavini á vef ISX eða í appi eða með öðrum hætti sem ISX ákveður. Þá getur ISX
notast við
bréfapóst í sérstökum tilfellum.
4.5 Reikningsfærslur og yfirlit
Yfirlit yfir allar færslur á reikningum (reikningsyfirlit) eru birt og eru aðgengileg í ISX.
Ársyfirlit eru
birt á rafrænu formi í ISX. Viðskiptavinur, sem ekki hefur aðgang að ISX, getur óskað eftir
því að fá
ársyfirlit send til sín í bréfapósti. Viðskiptavinur skal yfirfara reikningsyfirlit sín
reglulega.
ISX endurgreiðir fjárhæðir sem ISX sannanlega tekur ranglega út af reikningum
viðskiptavina
sinna.
Viðskiptavinur heimilar ISX að bakfæra og/eða leiðrétta fjárhæðir sem verða fyrir mistök eða
vegna
kerfisvillu lagðar inn á reikning viðskiptavinar. Slíkar leiðréttingar skulu eiga sér stað
án óeðlilegra
tafa og koma fram á reikningsyfirliti viðskiptavinar.
Viðskiptavini ber að fara vel yfir upplýsingar áður en greitt er inn á reikning þriðja
aðila, hvort sem
greiðsla er framkvæmd með greiðslumiðli, í gegnum ISX, síma, hjá gjaldkera eða með öðrum
hætti.
Viðskiptavinur ber ábyrgð á því að upplýsingar um fjárhæð greiðslu, móttakanda greiðslu
og
skýringar með greiðslu séu réttar. Viðskiptavinur skal tilkynna ISX án óþarfa tafar
verði
hann var við
óheimilaða eða ranglega framkvæmda greiðslu sem gefur tilefni til kröfu um leiðréttingu
og
eigi
síðar en 13 mánuðum eftir dagsetningu skuldfærslu. Þetta á þó ekki við ef ISX veitti
notanda
greiðsluþjónustunnar ekki upplýsingar um greiðsluna eða hafði þær ekki aðgengilegar
fyrir
hann.
4.6 Lokun reikninga og annarra þjónustuþátta
Óski viðskiptavinur eftir því að reikningi hans verði lokað getur hann lagt fram skriflega
beiðni þess
efnis til ISX, óskað eftir því símleiðis eða, eftir atvikum, lokað sjálfur reikningi í
sjálfsafgreiðslu. Segi
viðskiptavinur skilmálum þessum upp áskilur ISX sér rétt til að loka reikningi og öðrum
þjónustuþáttum, s.s. ISX, að fullu eða að hluta, að eigin frumkvæði og án þess að tilkynna
viðskiptavini um það fyrirfram. Sama á við ef viðskiptavinur verður uppvís að því að brjóta
lög,
reglur ISX, skilmála ISX eða aðrar reglur sem gilda um viðskipti hans við ISX, ef
viðskiptavinur eða
þriðji aðili verður uppvís að því að misnota reikning, viðskiptavinur verður ekki við kröfu
ISX um að
uppfæra eða veita upplýsingar í reglubundnu eftirliti með peningaþvætti og fjármögnun
hryðjuverka, ef viðskiptin teljast að mati ISX fela í sér hættu á fjársvikum, peningaþvætti
og
fjármögnun hryðjuverka eða ef viðskiptasambandið getur að mati ISX skaðað orðspor hans eða
samræmist að mati ISX ekki áhættustefnu hans. Jafnframt getur ISX þá ráðstafað innstæðu á
reikningnum inn á reikning hjá ISX. Þá áskilur ISX sér jafnframt rétt til að loka reikningi
ef reikningur
hefur staðið óhreyfður í 2 ár eða lengur, að undangenginni tilkynningu sem ISX sendir
viðskiptavini
þar um, og ráðstafa innstæðunni inn á annan reikning viðskiptavinar eða, ef hann á ekki
annan
reikning, inn á reikning hjá ISX. Skuldi viðskiptavinur ISX gjöld eða aðrar þóknanir vegna
veittrar
þjónustu þegar reikningi er lokað skv. framangreindu er ISX heimilt að skuldfæra gjöldin af
reikningi
viðskiptavinar fyrir lokun hans. Ef neikvæð staða er á reikningi viðskiptavinar við lokun,
t.d. vegna
kostnaðarfærslna, getur ISX jafnframt leitað fullnustu kröfunnar með innheimtu.
Viðskiptavinur
verður látinn vita af lokun reiknings svo fljótt sem verða má.
5 Lokaákvæði
ISX og viðskiptavinur geta hvenær sem er sagt upp viðskiptum sín á milli án fyrirvara nema
annað
leiði af lögum, samningi, skilmálum þessum, öðrum skilmálum, reglum ISX eða eðli máls. ISX
er
heimilt að segja upp samningi samkvæmt skilmálum þessum með tveggja mánaða uppsagnarfresti.
Vilji viðskiptavinur segja upp viðskiptum við ISX, eða afturkalla veitt samþykki fyrir
vinnslu
persónuupplýsinga, skal hann senda ISX skriflega tilkynningu þar um. ISX áskilur sér
jafnframt rétt til
að slíta viðskiptasambandi, að fullu eða að hluta, að eigin frumkvæði og með einhliða
tilkynningu til
viðskiptavinar ef viðskiptavinur verður uppvís að því að brjóta lög, reglur ISX, skilmála
ISX eða aðrar
reglur sem gilda um viðskipti hans við ISX, ef viðskiptavinur eða þriðji aðili verður uppvís
að því að
misnota viðskiptasambandið, ef viðskiptin teljast að mati ISX fela í sér hættu á
peningaþvætti eða
fjármögnun hryðjuverka, ef viðskiptasambandið getur að mati ISX skaðað orðspor hans eða ef
viðskiptasambandið samrýmist að mati ISX ekki áhættustefnu hans.
Ef eingöngu er notuð fjarskiptaaðferð fram að og við samþykkt skilmála þessara teljast
skilmálarnir
fjarsölusamningur í skilningi laga nr. 33/2005 um fjarsölu á fjármálaþjónustu. Sé
viðskiptavinur
neytandi hefur hann rétt, með þeim takmörkunum sem fram koma í lögum um fjarsölu á
fjármálaþjónustu, til að falla frá skilmálunum teljist þeir fjarsölusamningur í
skilningi
þeirra laga án
þess að tilgreina nokkra ástæðu, enda sendi hann tilkynningu þar að lútandi með
sannanlegum
hætti til ISX innan 14 daga frá þeim degi sem skilmálarnir eru samþykktir.
Rísi mál vegna brota á skilmálum þessum má reka það fyrir Héraðsdómi Reykjavíkur. Öll mál
sem
rísa kunna vegna viðskipta við ISX skulu fara eftir íslenskum lögum nema um annað sé samið.
ISX ber ekki ábyrgð á tjóni, beinu eða óbeinu, sem viðskiptamaður kann að verða fyrir og
tengist
skilmálum þessum eða viðskiptum sem framkvæmd eru á grundvelli þeirra, ef rekja má
tjónið
til
atvika sem stafa af lagaboði, aðgerðum stjórnvalda eða óviðráðanlegum aðstæðum (force
majeure), s.s. náttúruhamförum, styrjöldum, hryðjuverkum, farsóttum, verkföllum, lokun
landamæra, rafmagnstruflunum eða rafmagnsleysi, truflunum í uppgjörskerfi, truflunum á
bálkakeðjum, símkerfi eða öðrum boðleiðum, eða öðrum sambærilegum atvikum. Bálkar Miðlun
ber jafnframt ekki ábyrgð á óþægindum, kostnaði, missi fjárfestingartækifæra eða öðru
fjártjóni,
beinu eða óbeinu sem stafar af lokun, bilun, truflun eða annarri röskun á starfsemi ISX.
Skilmálar þessir eru gefnir út á íslensku. Íslensk útgáfa skilmálanna er eina gilda útgáfa
skilmálanna,
óháð því hvort ISX